Presidenti rus, Vladimir Putin, ka thënë se shteti që ai udhëheq po vendos ligj ushtarak në katër rajonet e okupuara të Ukrainës, që Moska muajin e kaluar i pretendoi si territor të saj.

Putin udhëzoi gjithashtu qeverinë të ngrejë një këshill të posaçëm koordinues nën kryeministrin Mikhail Mishustin për të punuar me rajonet e Rusisë për të nxitur përpjekjet e Moskës për luftë në Ukrainë, shkruan “Reuters”, transmeton arbresh.info

Lëvizjet, gati tetë muaj pas luftës, shënuan përshkallëzimin e fundit të Putinit për të kundërshtuar një seri humbjesh të mëdha në duart e forcave ukrainase që nga fillimi i shtatori.

Putin tha se masat që ai po urdhëronte do të rrisnin stabilitetin e ekonomisë, industrisë dhe prodhimit në mbështetje të asaj që Rusia e quan operacionin e saj special ushtarak. /arbresh.info/